Laurdag 8. mai var det tid for årets første regatta for dei unge og talentfulle roarane frå Os.
Det var deltakarar frå Fana Roklubb, Bergens Roklub og Os Roklubb.
– Konfirmasjonar og karantene gjorde at fleire av våre roarar ikkje kunne delta, men vi stilte med fire utøvarar, seier Sissel Lothe Høvik frå Os Roklubb.
I tillegg er det nokre utøvarar og trenarar frå Os som har meldt overgang til Bergens Roklub. Laurdag stilte også fire av desse til start.
Vann 8 medaljar
Andrea Bastiansen Kvittingen og Linea Rådmannsøy Lunde frå Os tok 1. plass i dobbel sculler i junior A med tida 06.23 (1600 meter).
Jonas Werkdal Mandal vann singel sculler junior B med tida 07.11 (1600 meter).
Andreas Tysse tok 3. plass i singel sculler junior C med tida 03.17 (500 meter)
For Bergens Roklub deltok osingane Isak Larson og søskena Lars Eirik, Eivind og Linn Kristin Vevatne.
Bildeserie:
Lars Eirik Vevatne vann gull i HJA singel sculler og sølv i HJA-2.
Eivind Vevatne tok gull i HJB dobbel sculler og gull i mix JB dobbelfirer.
Linn Kristin Vevatne fekk sølv i DJC dobbel sculler og gull i miks JC dobbel firer.
Isak Larson fekk gull i dobbel sculler og gull i HJC-4.
Nye treningsforhold
– Det var ein del spenning knytt til det å delta for ny klubb, men dei er ivaretatt av tidlegare trenarar i Os, og eg synest dei har vist stor framgang, seier Einar Vevatne.
Han trener sjølv utøvarane i styrke og motbakkeintervall to gongar i veka.
– Når du har positive utøvarar som verkeleg legg seg i selen, er det kjekt å vera trenar! synest han.
Etter at nokre av utøvarane og trenarane har meldt overgang, har Os Roklubb fått inn tidlegare roarar som instruktørar.
– Vi har heldigvis fått inn fleire av våre eigne tidlegare topproarar, alle med internasjonal erfaring, for å hjelpa dei beste roarane våre vidare, seier Lothe Høvik.
