Hjort påkøyrd av slaktebil (blodig bilde)

Først blei det kø for å få dyret fjerna, så kom fotografane.

Her ved Brandsneset, i overgangen mellom 50- og 70-sone på Hetleflåt, er ein av stadane i Os der hjort oftast blir påkøyrd. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 07. okt. 2021 09:43

Torsdag i 07-tida blei ein hjort påkøyrd av ein lastebil på E39 mellom Hetleflåten og Ulvenskiftet.

Lastebilen, som er frå Nortura, hadde retning Os. Den påkøyrde hjorten blei liggande under bilen.

– Sjåførane til Nortura, som køyrer levande dyr på veg til slakt, har både kunnskap og utstyr til å ta hand om skadde dyr, seier viltkontakt Espen Krüger Andersen.

Då Andersen kom til staden var hjorten, ein vaksen bukk, død og tatt ut i grøfta.

– Eg parkerte på Brandsneset, men det tok tid å kryssa vegen. Først var det kø grunna påkøyrsla og tida sjåføren brukte på å ta dyret ut i grøfta, så byrja bilistane å køyra sakte for å ta bilde av kadaveret.

Bukken var død og delvis flådd då viltkontakten kom fram.

Utsett område

Det har vore fleire hjortepåkøyrslar i dette området før, blant anna i fjor, då ei ung dame blei sitjande i grøfta og halda ein skadd hjort fast for at den ikkje skulle gå ut igjen i vegen.

Les ògUng dame heldt fast påkøyrd hjort

– Dette er, saman med Ulvenvegen nær Spar, staden med flest hjortepåkøyrslar for tida. På Byvegen ved Gymnasvegen, der vi ein periode hadde mange, ser tråkket ut til å ha grodd igjen.

– Men det er mogleg at dei byrjar å trø der seinare i haust. Til no har det vore noko færre påkøyrslar enn i fjor.

Les ògNok ein hjortepåkøyrsel ved Kloppamyra

Blir levert til Biosirk

Påkøyrd vilt blir henta av Mesta og levert til Biosirk, som er det nye namnet til Norsk Protein. Biosirk produserer blant anna biodrivstoff og dyrefôr.

Viltkontakten si rolle, ved sidan eventuell avliving eller ettersøk, er å ta prøve å senda til Mattilsynet i tilfelle skrapesjuke.

– Kommunen kunne fått kjøtet, men då måtte dei hatt eit slakteri godkjent for nødslakt. Det har verken Bjørnafjorden eller Bergen.

Men er dyret berre skadd og løper frå staden, blir det ettersøk og kjøt på jegeren som eventuelt feller dyret.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.