Politi | 27. juli 2022

Høyrde ein bil på tunet, så var alle handleposane vekke

– Det er mogleg at nokon sniker rundt og sjekkar kven som er på ferie.

Innringar bur i eit nabolag på Skeie. No åtvarer han om mogleg tokt av folk i uærleg ærend. (Flyfoto frå 2012, foto: KVB)
Kjetil Vasby Bruarøy
Kjetil Vasby Bruarøyonsdag 27. juli 2022 10:19

Tysdag formiddag opplevde ein familiefar som bur på Skeie at alle daglegvarene han hadde kjøpt blei stole.

Han hadde vore og handla på formiddagen, men tok ikkje varene inn i huset med det same han kom heim.

– Eg skulle inn i garasjen eit ærend. Sidan det ikkje var varer som skulle på kjøl, sette eg dei berre på trappa, fortel han.

Mens han sto i ein bod i garasjen, høyrde han at det kom ein bil utanfor.

– Vi har leigebuarar, og tenkte dei kanskje fekk besøk, eller at nokon som hadde vore hos naboen berre snudde i innkøyringa vår.

Men då han skulle inn i huset igjen, var varene vekke.

– Først trudde eg at sambuar fleipa med meg, eller at det var ei misforståing.

– Men etter å ha sjekka alle moglegheiter eg kjem på, skjønner eg ikkje noko anna enn at varene rett og slett er stolne.

Nokre av daglegvarene var kostbare, det låg for rundt 2.500 kroner i mat i posane.

– Eg tviler på at dei som var her var på jakt etter mat, men sidan dei stal lurer eg på om dei også i utgangspunktet var i uærleg ærend, at dei er rundtom og sjekkar kva hus som står tomme no i ferien.

Det einaste særtrekket han la merke til med bilen, var lyden.

Det var ekstra brumming frå bilen, som om den hadde skade i eksosanlegget.

– Det er også derfor eg vil åtvara, at folk låser bod og garasje, og har ein avtale med naboar om å følgja med mens dei er vekke, seier innringar.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.