Politi | 12. feb. 2022

Utforkøyring, hærverk og ulovleg bruk av fyrverkeri

Innrømte bruk av fyrverkeri - men ikkje sprenging av postkasse.

Utforkøyring, hærverk og ulovleg bruk av fyrverkeri
Ein bil skal ha hamna lang ned i ei grøft nær Røykenes i går. (Lesarbilde, tips@midtsiden.no)
Kjetil Vasby Bruarøy
Kjetil Vasby Bruarøylørdag 12. feb. 2022 09:55

Litt over klokka 22 fredag kveld fekk politiet melding om bruk av fyrverkeri i Hagavik-området.

– Ein postkasse var sprengt. Vi fekk melding om at nokre ungdomar var observert i samband med hærverket, seier vakthavande ved Bjørnafjorden politistasjon.

Patruljen var på staden utan at det gav nokre resultat.

Men så kom ei ny melding om bruk av fyrverkeri i same område, denne gong i tilknyting til ein fest.

– Vi kom i kontakt med ein mann i 30-åra. Han erkjente å ha brukt fyrverkeri, men ikkje å ha sprengt postkassen.

Vedkomande fekk ei streng åtvaring.

Låg bak ein bil på sommardekk

I 16-tida i går, rett etter at det byrja å snø, fekk politiet melding frå ein trafikant som meinte han låg bak ein bil på sommardekk.

– Patruljen kom over bilen kort tid etter. Den sto då parkert, men ferske spor viste at den nyleg var brukt.

Bilen hadde sommardekk og fekk bruksforbod.

Kollisjon og utforkøyring

Det var fleire problem på glatten i går. I 17.30-tida sto ei lastebil fast ved rundkøyringa mellom Byvegen og Industrivegen, noko som skapte lang kø.

I 18.40-tida koliderte to bilar på Lyseklostervegen.

Klokka 22.30 fekk Midtsiden tips om utforkøyring på E39 nær Røykenes.

Bilen hamna eit godt stykke ned i grøfta, og bergingsbil var på staden klokka 22.35.

Denne har politiet ikkje informasjon om, så uhellet har truleg gått for seg utan personskade.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.