Politi | 11. feb. 2022

Lyseklostervegen stengt etter kollisjon

Ingen personar blei skadd i frontkollisjonen.

Lyseklostervegen stengt etter kollisjon
Den eine bilen fekk hjulet ut av stilling. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 11. feb. 2022 19:28

Fredag kveld kom det melding om ei utforkøyring på Lyseklostervegen.

Det viste seg å vera ein kollisjon med to involverte bilar.

– Det var éin passasjer i den eine bilen, ingen i den andre. Ingen personar er skadd, opplyser politiet på staden.

Uhellet skjedde nær kloster-ruinane. Vegen var blokkert i over ein time. (Foto: Kjetil Vasby Bruarøy)
Uhellet skjedde nær kloster-ruinane. Vegen var blokkert i over ein time. (Foto: Kjetil Vasby Bruarøy)

Meldinga kom klokka 18.39.

– Det var svært glatt både på staden og resten avLyseklostervegen, seier politiet.

Klokka 19.50 var vegen framleis blokkert, men bergingsbil var på staden.

Det byrja å snø tett i Os og bergensområdet fredag ettermiddag, og også E39 mellom Os og Bergen hadde vanskelege køyreforhold på ettermiddagen.

Bergingsbil var på staden før klokka 20. (Foto: Kjetil Vasby Bruarøy)
Bergingsbil var på staden før klokka 20. (Foto: Kjetil Vasby Bruarøy)

I 19-tida var føret betre på E39, men fleire sidevegar er framleis glatte.

No har snø gått over til regn, og det er meldt 4 til 6 plussgradar og lite nedbør gjennom natt til laurdag.

Laurdag er det meldt regn frå morgon til kveld.

Lastebil sto fast - skapte lang kø

Tidlegare på kvelden, i 17.30-tida, hadde ein lastebil problem ved rundkøyringa mellom Byvegen og Industrivegen.

Rundkøyringa klokka 17.35. Den neste halvtimen blei det lang kø frå Søfteland mot Os. (Foto: Kjetil Vasby Bruarøy)
Rundkøyringa klokka 17.35. Den neste halvtimen blei det lang kø frå Søfteland mot Os. (Foto: Kjetil Vasby Bruarøy)

Bilen var på veg retning frå Bergen til Os, og stoppa rett før den kom inn i rundkøyringa.

Det skapte køar, spesielt i retning Søfteland, den den i 18-tida sto forbi Joker-butikken.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.