Knallstart for Leigland

– Vi har ikkje vore med på liknande god start sidan Lurane senior, seier Arild Vikøyr, dagleg leiar hos Privatmegleren Bjørnefjorden.

Les òg: Bygger 20 hus på Solsiden

Rundt midnatt natt til fredag blei dei 20 eksklusive husværa i Hamnevegen lagt ut for sal. Utbyggar er Leigland Bygg, Abo plan og arkitektur står for designen.

– Godkjenninga kom for rundt ein månad sidan. 8 hus blei selt før annonseringa starta og i dag har vi blitt kontakta av 7-8 nye interessentar, seier Vikøyr.

Frå 2,8 millionar

Prosjektet får innkjørsel frå Hamnevegen, rett ved Vindu mot Fjorden, og inn i eit garasjeanlegg som går under nesten heile bustadarealet på den rundt to mål store tomta.

Byggmassen har frå 2 til 5 etasjar. Den nest høgaste får golv 15,2 meter over havskorpa, øvste etasje kjem til å ligga på kote 18,1. Til samanlikning er golvet i husværa på taket på Irisgården på kote 13,8.

Leilegheitene er frå 63 til 92 kvadratmeter og ligg frå 2.790.000 til eit stykke over 5 millionar kroner.

– Leilegheita til tomteseljar er på rundt 120 kvadrat, i tillegg er det til no selt ein på rundt 90 kvadrat og seks på rundt 65 kvadratmeter, seier Vikøyr.

Byggestart over helga

8 av 20 er uansett nok til at Leigland startar byggeprosessen allereie neste veke.

Byggearbeidet startar med riving av bygningane til tomteseljar Hogne Eide, bustaden og Os Trevare.

Les òg: Os Trevare på tampen