Vêret i Os | 03. okt. 2022

Kuling og mykje nedbør i vente

Dei neste dagane må hummarfiskarane kle seg godt.

Kuling på Mobergsneset 15. januar 2019. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 03. okt. 2022 10:41

Det ser ut som årets første hauststorm, ifølgje Meteorologist institutt.

I Os skal vindstyrken opp i stiv kuling på det sterkaste.

Hummarfiskarane, som har fått ein stille og ganske tørr start, bør dei neste dagane både kle seg godt og tenkja over kvar dei set ut teinene.

Svært vått

Tidleg tysdag morgon skal vindstyrken auka, og frå 12-tida skal det regna samanhengande ut dagen - og nesten samanhengande fram til søndag.

Det er venta over 25 mm tysdag, over 40 mm onsdag, 30 mm torsdag og nærmare 50 mm fredag og 25 mm laurdag ifølgje Storm. Yr melder noko mindre nedbør onsdag til laurdag, men ligg på rundt 20 mm for dagen.

Også søndag skal det koma nedbør, men i mindre mengder.

Frisk bris og kuling

Det er meldt vind med styrke over 8 m/s (frisk bris) både tysdag, onsdag og torsdag, med kraftigast vind onsdag kveld og torsdag ettermiddag.

Vinden skal blåsa i opptil 13,7 m/s (stiv kuling) på det verste onsdag kveld, ifølgje Storm. Yr melder berre 8,9 m/s denne kvelden.

Vindretningen er i starten frå sør, men skal dreia noko over på sørvest onsdag og torsdag.

I ettermiddag er det flo klokka 17.05 i Os hamn.

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.