Politi | 21. sep. 2023
Landa på 12 prikkar
Førarkortbeslag etter fartsmåling.
Susann Haukeland Børnestorsdag 21. sep. 2023 09:39
Klokka 15 onsdag ettermiddag blei ein ung gut stoppa på E39 Halhjemsvegen grunna høg fart.
– Han kom opp i 12 prikkar, så det blei tatt beslag i førarkortet, opplyser politioverbetjent Anne Lyssand.
Oppdatert:
Vedkomande blei målt til 102 km/t i 80-sona, noko som kvalifiserer til eit forelegg på 9.100 kroner og tre prikkar på førarkortet.
– Sidan vedkomande er fersk bilførar, og i prøvetid, blei det dobbelt opp og seks prikkar. Han hadde seks prikkar frå før, dermed blei det førarkortbeslag.
Vedkomande samtykka ikkje til førarkortbeslag, og det er oppretta sak.
