Jakt, fiske og natur | 18. sep. 2023

Leah og Tale sin salsbod blei ein suksess

To venninner som ville hjelpa Dyrebeskyttelsen fekk ein travel søndag.

Leah og Tale sin salsbod blei ein suksess
Leah (t.v.) og Tale fekk ein strålande dag med kiosk på Steinneset. (Foto: privat)
Kjetil Vasby Bruarøy
Kjetil Vasby Bruarøymandag 18. sep. 2023 08:37

Turgåarar som gjekk Strandvegen mellom Bjånes, Solstrand og Os sentrum i finvêret i går, kunne gle seg over god servering på Steinneset.

Der sat nemleg venninnene Leah Mäkinen Eidsvik og Tale Askvik Drønen og selde nysteikte vaflar og saft.

– Det såg ut som om folk blei glade for at vi var der, og mange gav skryt og sa vi var flinke, fortel Tale.

Banktjørn i dag, mens skodda var i ferd med å letta. Borgafjellet i bakgrunnen. (Foto: Kjetil Vasby Bruarøy)
Les ògSiste solskinsdag på ei stund

Salsboden hadde snille prisar, 15 kroner per vaffel, og 28 kroner om du kjøpte to.

Utandørskafeen var open frå 11 til 14.

Saman med sal av saft blei det ein omsetnad på heile 712 kroner i løpet av dei tre timane.

– Det var travelt, men det var gøy!

– Vaflane kom frå bestemora til Leah, som bur i huset der vi sat og selde, så vi fekk påfyll heile tida, forklarer ho.

Inntektene går til Dyrebeskyttelsen Norge.

– Eg har katt og hamster, Leah har kanin. Vi er veldig glade i dyr, og har selt ting til inntekt for Dyrebeskyttelsen før, på halloween i fjor.

Dyrebeskyttelsen Norge blei starta som «Foreningen mot Mishandling av Dyr» i 1859.

Dei har over 8.500 medlemmar og over 25 lokalkontor.

«Organisasjonens fanesaker (hovedsatsingsområder) blir avgjort ved det årlige landsmøtet og temaer som tap av sau på beite og pelsdyr er fanesaker vi har jobbet med over flere år. Det er imidlertid arbeidet med hjemløse dyr som er vårt hovedsatsingsområde. Hvert år reddes flere tusen dyr fra sult, mishandling og død av frivillige gjennom Dyrebeskyttelsen Norge. Disse dyrene tas med til våre hjelpesentre, eller innkvarteres i fosterhjem, inntil de er klare til å adopteres bort til et nytt og trygt hjem» skriv Dyrebeskyttelsen på sine heimesider.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.