Legevakten slår sprekker

Hausten 2015 starta bygginga av Os kommune sitt nye hovudreinseanlegg for avlaup, OHARA.

Anlegget blir bygd i fjellet innanfor Tellevika, delvis under brannstasjonen og legevakta på Moberg.

Sjå video: Lager 60 meter med tunell kvar veke

Det omfattande sprengingsarbeidet har ført til enkelte småskader og utfordringar i bygget som husar Os brannvesen og Os og Samnanger legevakt.

Sprekker og låste dører

Tidlegare i juli sendte Os brannvesen bilde til prosjektleiar Johannes Håkonsund i Os kommune. Bilda viser fleire sprekker i veggane innandørs på Os og Samnanger legevakt.

– Enkelte ting har ramla av veggane og bygget har fått nokre små sprekker innandørs.

– Vi har òg merka det på dørene, der små forskyvingar har ført til at dei automatiske låsane i periodar ikkje låser seg eller ikkje låser seg opp, fortel brannsjef Stein Gjøsund.

– Omtrent som venta

Gjøsund seier prosjektleiar i Os kommune og entreprenør var førebudd på at det kunne koma skader i løpet av byggeperioden.

– Derfor blei det òg tatt bilde i forkant av byggestart, og det står ute målarar som registrerer effekten av sprenginga. Den viser at det så langt har vore godt innanfor krava.

– Vi merka sprenginga ganske tidleg i anleggsperioden. Seinare kom ein periode der vi merka endå meir, mens det så har roa seg noko, seier Gjøsund.

Midtsiden har prøvd å nå prosjektleiar Håkonsund for kommentar, og for å høyra om det er skadar på andre bygg eller hus i området, men han har ferie.

Les òg: Os får nytt bustadfelt i strandsona etter Ohara