Lions i aksjon for unge i dag

Lions Tulipanaksjon er ei årleg og landsomfattande pengeinnsamling, til inntekt for forebyggende arbeid for barn og unge.

Aksjonsdagen eri dag, laurdag 24. april.

– Grunna smitteverntiltaka har vi fleire stands enn vanleg, men vi blir å sjå eit par stadar i Os i dag likevel, seier Per Solberg frå Lions Club Os.

Han håper tulipanseljarane blir godt mottatt ute i bygda. Samtidig fortel han om godt førehandssal.

– Sidan vi ikkje kan ha same aktivitet ute blant folk som før, har vi sel på førehand i kontaktnettet til medlemmane våre.

– Dessutan har vi, som vanleg, fått mange bestillingar på bukettar frå bedrifter. Det set vi umåteleg stor pris på!

Støttar unge i full breidde

Mottoet under tulipanaksjonen er «Det er bedre å bygge barn enn å reparere voksne».

– Vi trur at det å satsa på at bornog unge får ein god oppvekst, bidrar til at færre treng hjelp som vaksne, seier Solberg.

Lions Club Os har tidlegare år gitt pengestøtte til alt frå delfinansiering av fleire rullebrettbaner, Os MC og MX klubb, fritidstilbodet «Ung lørdag», skulekorps, roklubb, baskeball, handball og speidarar.

I år er overskotet øyremerkt Os skulekorps og Nore Neset skulekorps.

Tidlegare i år har leiinga i skulekorpsa fortalt om vanskelege forhold under pandemien, og om tap av medlemmar, noko leiinga trur skuldast manglande sosiale tilbod som reiser og konsertar.