Mistenkt for promillekøyring på Søfteland

I helga var det ein del festrelatert bråk, men feiringa i går blei fredeleg i Os.

Også natt til 16. mai skal ha vore utan hendingar, men frå dagtid måndag har politiet eit notat.

– UP hadde åtferdskontroll på Søfteland i 12-13-tida, fortel politioverbetjent Christine Grindstein.

Ein av dei som blei kontrollert bles til over lovleg verdi i alkometer.

– Vedkomande, ein mann i 40-åra, blei køyrd til legevakt for blodprøve. Det er oppretta sak på forholdet.

Politiet tok beslag i førarkortet, noko bilførar samtykka i.