Mistenkte gasslekkasje
Vitne frykta at det var folk i vogna.
Bjørnafjorden brann og redning rykte saman med ambulanse ut til melding om gasslekasje i ei campingvogn på bubilparkeringa på Steinneset.
– Vitne på staden hadde høyrd ein gassalarm gå av, men fekk ingen kontakt då dei banka på, seier utrykningsleiar i Bjørnafjorden brann og redning, Morten Moberg.
Vitnet fortel at ho reagerte på alarmen, og på at ingen andre gjorde noko.
– Eg var i Steinnesetfjøra for å bada, og tenkte først at nokon ville slå alarmen av. Då eg kom opp igjen frå sjøen ville eg sjekka det ut, og då sto det fleire i ring rundt vogna, men ingen hadde varsla, fortel Lene Sperrevik.
– Vi har sjølv vore på tur med campingvogn, og då eg kjente igjen alarmen frykta eg jo at det var folk i vogna.
Brann og redning møtte politiet på staden.
Politiet hadde fått tak i eigar og fekk bekrefta at ingen var i vogna
Det var ingen utslag på gassmåling.
– Det må ha vore ein veldig følsom alarm, seier Moberg.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.