Nabolag utsett for omfattande vandalisme
Kulegrillar, akebrett og blomsterpotter slengt til skogs.
Søndag formiddag oppdaga fleire innbyggarar i Hesthaugen, nær Lyssand, at nabolagog hagar ikkje såg ut heilt som før.
– Hagemøblar er kasta til skogs, det same er kulegrill, blomsterpotter og anna hageinnredning, fortel Karsten Wangberg.
Det har vore innbrot i fleire bodar. Her er det romstert og kasta ut fleire ting, blant anna syklar og oppblåsbart badebasseng.
– Vi er fire-fem hus som er berørte. Eg hadde ting i hagen min som hører til lengre borte i gata, og fleire av våre ting var kasta inn i andre hagar eller ut i skogen.
Mens Karsten snakka med Midtsiden kom ein sjette nabo og spurde om nokon hadde sett teltduken hans.
– Ønskjer ikkje å kopla inn politiet
Foreløpig ser det ikkje ut til at noko er stole.
– Utebelysinga mi er rive ned, men ei kostbar skrumaskin som sto rett ved sidan av er urørt. Dette har nok ikkje vore eit tjuveriraid, men rein vandalisme.
– Det er to ting som manglar, blant anna ein sykkel, men det er jo mogleg at vi finn den igjen nede i skogen.
Sykkelen blei funnen igjen i tett gras ved Os Dyreklinikk etter samtalen med Midtsiden.
– Har de mistanke om kor tid dette skjedde, eller kven som kan stå bak?
– Hunden vår reagerte på noko i 01-tida i natt, men eg ba han berre legga seg igjen.
– Nei. Det var ein fest i nabolaget i går, men alle deltakarane skal visst ha blitt henta med bil i 22-24-tida.
– Vi ønskjer ikkje å kopla inn politiet, men dei som står bak kan godt melda seg til oss, så vi veit om dette er noko vi bør uroa oss for skal gjenta seg.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.