No går ferjeprisane litt opp

Ferjeprisane på fylkesvegferjene i Vestland går noko opp frå 1. oktober.

– Årsaka er at meirverdiavgifta no blir sett tilbake til 12 prosent, opplyser Statens vegvesen.

Momsen vart redusert til 6 prosent i april 2020, som eit ledd i den statlege krisepakka for korona.

I tråd med gjenopninga av samfunnet etter pandemien blir tiltaket no avvikla.

Prisane for fylkesvegferjene vil frå 1. oktober svare til Statens vegvesen sitt takstregulativ for riksvegferjene.