Ny brønnbåt vekker oppsikt i Fusafjorden

MS «Horda Pioneer» kan frakta 450 tonn levande laks.

Horda Pioneer på veg forbi Solstrand søndag. Brønnbåten er framleis i Fusafjorden. (Lesarbilde, foto: Eirik Walle)
Kjetil Vasby Bruarøy
Kjetil Vasby Bruarøytirsdag 27. juli 2021 11:25

Dei siste dagane har ein ruvande brønnbåt segla rundt i fjorden, og den er her enno.

Den 77 meter lange «Horda Pioneer» blei levert av Aas Mek Verksted i juli i fjor.

«Horda Pioneer» har ein lastekapasitet på 3.000 kubikk og kan frakta 450 tonn med levande laks.

Den er 76,96 meter lang, 17,80 meter brei og er innreidd for mannskap på 12.

Midtsiden har ikkje lykkast med å nå eigar for informasjon om oppdraga dei er på i Bjørnafjorden kommune.

Båten driv primært med transport, logistikk og behandling av laks og aure for aksjonærane, men er også tilgjengeleg for spot-marknaden.

Eigar er Hordalaks Holding AS, eit holdingselskap som også blei til etter fusjon i fjor sommar. Ingebrigt Gunnar Landa er dagleg leiar, Øyvind Blom er styreleiar.

Selskapet er eigd av Kerko Shipping AS, KF oppdrett AS, Blom fiskeoppdrett AS, Fylkesnes fisk AS, Fremskridt laks AS og Engesund fiskeoppdrett AS.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.