OL-gull til Sverre og Noreg!

Søndag hadde Noreg beste tid av åtte nasjonar i innleiande runde (kvartfinale) i lagtempo.

Tysdag morgon norsk tid tok Noreg seg til finale mot Russland (ROC), mens USA og Nederland hamna i bronsefinale, ein bronsefinale som USA vann.

I finalen var Noreg sterkast frå start og auka avstanden etterkvart.

Så suste dei inn til OL-gull med over 2 sekundar margin!

Det norske laget:
Hallgeir Engebråten (Nord-Odal IL)
Peder Kongshaug (Stavanger/Sandnes SK)
Sverre Lunde Pedersen (Fana IL)
Reserve: Allan Dahl Johansson (Aktiv SK)

Resultat i finale og bronsefinale:

1. Noreg 3:38.080
2. ROC 3:40.460

3. USA 3:38.810
4. Nederland 3:41.620

Noreg er første nasjon i historia som har to OL-gull på lagtempo.

– Noreg, Nederland og USA ligg nok best an, med Russland som joker, sa Sverre til Midtsiden før avreise til Beijing.

Han fekk rett, dei fire nasjonane gjekk til semifinale.

Sverre er einaste frå årets lag som også var med på gullaget i 2018, og med andre ord den einaste skøyteløparen i verda med to OL-gull på distansen.

I 2018 gjekk han kvartfinalen saman med Sindre Henriksen og Simen Spieler Nilsen, mens Håvard Bøkko kom inn for Henriksen i finalen.

Sverre var også med på å ta to 2. plassar i verdscupen og sølv i EM før avreise til OL.

Han var skuffa då han ikkje gjekk godt nok til å få Noreg sin plass på 5.000-meteren, der han tok bronse i OL i 2018.

Men han er glad for å ha kome tilbake i form etter den alvorlege sykkelulykka som tok frå han heile oppkøyringa i sommar.

På etterskot, tilbake på isen, skubba han i dag Noreg til gull!