Fotball | 01. okt. 2022

På draumelag og talent-topp hos BA

Éin av dei hamnar på draumelaget, fire av dei er på talent-pallen.

På draumelag og talent-topp hos BA
Kjetil Vasby Bruarøy
Kjetil Vasby Bruarøylørdag 01. okt. 2022 10:34

I førre episode av BA sin podcast Fotballpreik går Bernt-Erik Haaland, Mathias Macody Lund og Kristoffer Sontum gjennom status for potensielle opp- og nedrykk frå årets 3. divisjon.

Utan ønskje om å forskottera årets draumelag, som skal bli lansert på fotballgallaen i slutten av oktober, går dei likevel innom ein foreløpig versjon.

Os og Lysekloster best i mål og på topp

Som keeper ønskjer fotballekspertane seg Kasper Sandven Færøvik frå Os eller Vitalijs Melnicenko frå Lysekloster.

Lysekloster-kaptein Tobias Heltne Alme er nemt som ein av dei beste midtbanespelarane, men kjem akkurat ikkje med.

Roger Blokhus Ekeland, som i sommar flytta frå Os til Stord, blir valt framfor Simen Næss saman med Lysekloster-spelar Alexander Dang som to på topp.

Fire talent frå Os deler 2. plassen

Fotballpreik heldt fram med å ramsa opp dei største talenta som speler 3. divisjon i år.

Der har dei plassert fire Os-spelarar på delt 2. plass:

Niklas Lunde Fosen (fødd i 2000), Henrik Tysse Sperrevik (2002), Henrik sin fetter Sebastian Plätzer (2005) og Sverre Spangelo Haga (2004).

Alle desse fem får du truleg sjå i aksjon om ein time. Os tar imot Lokomotiv Oslo til heimekamå frå klokka 13.30 i dag.

Med siger kan Os potensielt klatra frå 6. tilbake til 3. plass igjen.

Lysekloster speler borte denne helga, mot Djerv 1919 i ettermiddag.

Praten om draumelaget og talent-toppen høyrer du frå 18. til 26. minutt i den 40 minutt lange fotballpreiken.

– Neste steg krev hard jobb

Os-trenar Endre Brenne gler seg over at eigen spelarar blir nemt på både draumelag og talent-toppen.

– Kasper har hatt ein veldig god sesong mellom stengene, og blitt kåra til dagens Os-spelar etter fleire kampar.

– Niklas, Henrik, Sebastian og Sverre er alle både flinke og med stort potensiale.

– Det er kjekt for både Os Fotball og for spelarane sjølv å bli nemt på denne måten. Samtidig er nok spelarane bevisste på at neste steg, å få spela på øvste eller nest øvste nivå i Noreg, er eit smalt nålauge.

– Å nå toppen krev både hardt arbeid, disiplin og tolmod ved sidan av talent.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.