Politiet viste elev vekk frå skuleområde

Politiet rykte klokka 12.35 onsdag ut til ein ungdomsskule i Os for å visa vekk ein elev.

– Vedkomande var uønskt på skulen sitt område. Patruljen fekk ein prat med vedkomande, og det blei fatta eit bortvisningsvedtak, opplyser politioverbetjent Anne Lyssand.

Eleven som blei vist vekk er i ungdomsskulealder. Politiet har foreløpig ikkje delt yttarlegare informasjon.

Tjue minutt seinare var politiet i ein bustad i Byvegen for å visa vekk ein annan person.

Ein mann som ikkje lenger var ønskt på adressa måtte fjerna seg.

– Det skjedde utan problem, fortel Lyssand.