Rykte ut til hotell i natt
Fekk melding om røykutvikling.
Klokka 00.20 rykte nødetatane ut etter melding om røykutvikling på Bjørnafjorden Hotell. Vest politidistrikt og 110-sentralen informerte om utrykkinga på Twitter.
– Det blei utløyst ein manuell brannmeldar som tilkalla brannvesenet, opplyser innsatsleiar Martin Østgulen Svendsen frå Bjørnafjorden brann og redning.
Evakueringa blei sett i verk av hotelltilsette. Gjestane måtte venta ute medan brann og redning var inne for å kontrollera.
– Det hadde oppstått røykutvikling i ein feittutskiljar på kjøkkenet.
Det var ein del røyk, men ingen brann.
– Vi var inne å fjerna feittutskiljaren. Før vi lufta ut og kontrollerte staden. Det var ei udramatisk hending, seier Svendsen.
Då brann og redning var ferdig fekk gjestane retunera til romma sine.
Ein hotelltilsett fekk tilsyn av ambulansen på staden etter å ha vore eksponert for røyken, skriv Vest politidistrikt på Twitter.
Spennande? Vil du ha ukas høgdepunkt i innboksen?
Les meir om
Tilgang til alt innhald for berre 145 kr i månaden
Di støtte gir liv til lokalavisa vår. Vi set stor pris på om du hjelper oss å spreia nyheitene!
- Tilgang til alt innhald
- Under 37 kr/veka
- Utan bindingstid
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.