Politi | 11. okt. 2023
Sa han hadde førarkortet heime. Politiet køyrde mannen heim
Stoppa i fartskontroll, men det var kanskje ikkje einaste utfordring.
Kjetil Vasby Bruarøyonsdag 11. okt. 2023 09:08
Onsdag morgon litt før klokka 08 stoppa politiet ein bilist på Byvegen.
Vedkomande hadde blitt målt til 81 km/t i 60-sona.
– Han kunne ikkje visa fram førarkort, og sa han hadde eit utanlandsk førarkort heime, fortel politioverbetjent Anne Lyssand.
Patruljen køyrde vedkomande heim, men mannen, som er rundt 30 år gamal, fann ikkje førarkortet sitt.
Han er meldt for køyring utan gyldig førarkort. Så blir det opp til bilførar å leita litt til før saka skal avgjerast.
Køyring i 81 km/t i 60-sone resulterer dessutan i 12.100 kroner i forelgg og tre prikkar på førarkortet - om du har førarkort.