Såg etter syndarar ved bedehuset

Fredag frå klokka 06.15 var politiet i Søre Øyane for å halda trafikkontroll.

Dei stilte seg opp ved bedehuset på Bruarøy for å sjekka dokument og sikt etter den kalde, stjerneklare natta.

– 77 bilar blei kontrollert, to personar er meldt grunna uforsvarleg dårleg sikt, fortel politioverbetjent Anne Lyssand.

– Meldt, betyr det førarkortbeslag?

– Det er foreløpig ikkje tatt beslag, reaksjon blir opp til jurist å vurdera.

I tillegg fekk to andre bilistar åtvaring for dårleg sikt.

Fire bilførarar hadde gløymd å ta førarkortet med seg, også dei slapp unna med åtvaring i staden for gebyr på 500 kroner.

Klokka 01.05 natt til fredag fekk politiet melding om ein lastebil som sto fast ved Carfix i Byvegen.

Ein utanlands sjåfør hadde køyrd feil. Meldar var ein som stoppa for å tilby hjelp til vedkomande, politiet rykte ikkje ut.