Handball | 24. mars 2023

Serieavslutting og prisutdeling i kveld

Legg opp til ei underhaldande økt i Oshallen.

Serieavslutting og prisutdeling i kveld
Det kan bli ekstra godt publikum under kveldens kamp, som her under fondutdeling i mars i fjor. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 24. mars 2023 13:06

Fredag kveld speler damelaget til Os sesongens siste heimekamp.

I pausen skal Brits eldsjelfond delast ut til ein gut og ei jente i Os Turn Handball.

– Det ligg an til å bli ein underhaldande kveld, seier dagleg leiar Christian Bugge.

I april i fjor var Stine-Mari Bråten (fødd 2006) og Gard Nystad-Askeland (fødd 2007) dei første mottakarane av midlar frå Brits eldsjelfond, fondet som blei oppretta etter at Brit Eirin Tungeland på idrettsgallaen på Hamar blei kåra til årets ildsjel i Norge.

I kveld skal to andre spelarar få midlar frå fondet. Men ikkje før i pausen.

Kampen til handballdamene går mot Dale, ein kamp som skulle vore spelt tidlegare, men som Dale sto over grunna ei trafikkulykke som skal ha hindra transporten av spelarane.

Os viste gode takter då dei vann to på rad i førre veke.

Men i helga glapp sigeren over NHHI laurdag, og borte mot Gloppen blei det nok eit tap.

I skrivande stund ligg Os på 10. plass og Dale på 11. plass av 12 lag i avdelinga.

I aller siste kamp reiser Os til Fyllingen 2, som ligg på 5. plass.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.