Sjeldant på Vestlandet: I kveld kan det bli lysshow
Rustraudt sjøvatn fleire stadar i Os.
Søndag har Midtsiden-redaksjonen fått fleire tips om rustraudt vatn ulike stadar i Os-skjergarden.
– Eg har sett oppblomstring av brunalger før, men ikkje noko som dette, seier ein av tipsarane.
Det er gjort nokre observasjonar i Vargavågen og tettare forekomst i Lekvenvågen. Kobbavågen, Tøkjesundet og Mørkevågen i Øyane er prega, det same er enkelte viker på Sørstrøno.
Havforskningsinstituttet fortel om same tema i ein av sine sist publiserte artiklar.
Dei siste to vekene har Havforskningsinstituttet fått tilsvarande meldingar frå Larvik i Vestfold til Øygarden i Vestland.
Kallenamnet er «sjoko-vatn».
– Det er kjenningen Noctiluca scintillans som er på ferde og misfargar vatnet. Dei fleste observasjonane er gjort i den ytre skjergarden, men vi har òg fått nokre få om funn inne i fjordar, seier havforskar Lars-Johan Naustvoll til hi.no.
Noctiluca scintillans har fått kallenamnet kallenavnet «morild-alga», for den er ei av fleire algetypar som lyser opp i mørket.
Det betyr at vi kan få eit lysshow i Os-skjergarden når kvelden kjem.
– Det ufarleg for menneske både å ta på alga og å svømma i den, den produserer ingen giftstoff, opplyser HI.
Men når den dør opptar den ein del oksygen, og kan derfor vera skadeleg for andre artar i området som er avhegige av oksygen, spesielt dei artane som ikkje flyttar seg så fort.
– Det kan òg lukta svakt av ammoniakk og råte når algene blir brotne ned.