Svimerke og (angrande) tagging på madrass til 300.000 kroner

Os idrettspark utsett for hærverk.

Regntrekk og overmadrass er skadd av svimerke og sprittusj.
Kjetil Vasby Bruarøy
Kjetil Vasby Bruarøytirsdag 27. apr. 2021 10:29

Søndag fekk Os Turn friidrett melding om hærverk på stavsprangmadrassa, friidrettsutstyr til 300.000 kroner.

Dei meldte skadeverket vidare til Os idrettspark, som har ansvar for Osbadet, hallane og drifta av den kommunale delen av utandørsanlegget.

– Utstyret er kostbart, og skadeverket omfattar både svimerke og tagging, seier Trond Erik Nilsen frå Os idrettspark.

– Tagginga med tusj ser rett nok ut til å vera av angrande sort, der ein eller annan hevdar seg uskyldig i brenninga av madrassa, men det tel som skadevrk dette òg.

– Saka er meldt og vi er interessert i tips, seier politioverbetjent Atle Birkeland.

Kan brukast vidare

– Hærverket er utført på regntrekk og overmadrass, som vi no har snudd så friidretten framleis kan bruka madrassa. Men vi håper naturlegvis at dette ikkje skjer igjen, det blir dyrt å skifta denne ganske nye madrassa, fortel Nilsen.

Menneske er ikkje dei einaste som har gått laus på utstyret.

– Det har vore nokre mus som har gnagd på utstyret. Dei får vi prøva å stoppa utan hjelp frå politiet, seier Nilsen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.