Politi | 18. okt. 2023

Tatt i stoppkontroll - nekta å vedta forelegg

UP hadde tre kontrollar i går. Det eine forelegget dei skreiv ut, blei ikkje akseptert.

Tatt i stoppkontroll - nekta å vedta forelegg
UP sjekka om bilistane stoppa før entré på E39. (Arkivbilde: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 18. okt. 2023 07:12

Utrykningspolitiet hadde tre trafikkontrollar i Os i går.

På morgonen sjekka dei promille i Ulvenvegen.

Så flytta dei seg til E39 Halhjemsvegen for å kontrollera ved stoppskiltet i Lepsøykrysset.

– Éin bilist fekk forelegg for ikkje å ha stoppa. Vedkomande vedtok ikkje forelegget, og blir meldt, opplyser politioverbetjent Atle Birkeland.

Etterpå sjekka dei promille igjen, denne gong på Halhjem ferjekai. Alle 14 kontrollerte var edru.

– Det var òg visse utfordringar i Lyshorntunnelen i går, fortel Birkeland.

Ein bil var parkert og forlatt i ei havarilomme i tunellen, noko som gjorde at varselet gjekk hos Vegtrafikksentralen, og fartsgrensa i tunellen blei sett ned.

I tillegg kom det melding om diverse gjenstandar i vegen.

– Sånne varsel fører til nedsett fartsgrense eller, i verste fall, stengt tunell.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.