Politi | 09. des. 2021

Tre tatt i snittmåling i Hegglandsdalen

Sjekka forholda etter fleire klagar.

Tre tatt i snittmåling i Hegglandsdalen
Etter fleire klager på høg fart, også forbi skulen, var politiet på tokt i Hegglandsdalen i går. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 09. des. 2021 08:52

Politiet har fått fleire klagar på både høg fart og farleg køyring på Hegglandsdalsvegen, både over tid og no i det siste.

I går kveld var politiet og heldt fartskontroll med snittmåling i området.

– Det førte til tre reaksjonar, seier vakthavande ved Bjørnafjorden politistasjon.

Klokka 20.30 blei ein mann i 40-åra målt til 67 km/t. Han vedtok forelegg på 5.850 kroner og fekk i tillegg 3 prikkar på førarkortet.

Ein halvtime seinare blei ein bilførar i slutten av 20-åra målt til 65 km/t, Det førte til 4.050 kroner i forelegg og to prikkar.

Klokka 21.50 blei ein yngre bilist stoppa. Han blei målt til 62 km/t i 50-sona, og fekk same storleik på forelegget, 4.050 kroner.

Men vedkomande er under 20 år og i prøvetid på førarkortet, dermed blei det dobbelt opp med prikkar, altså 4.

I tillegg blei ein bil kontrollert for lysfeil. Den mangla eit køyrelys framme, bilførar fekk muntleg pålegg om å utbetra feilen.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.