Fotball | 23. okt. 2022

Tre unge debutantar på Os sitt A-lag

Runda av sesongen borte mot Frøya i dag.

F.v.: Martin Lund Hunnes (fødd i 2005), Benjamin Johansen Engevik (2006) og Henrik Johan Ognedal Berge (2006) debuterte på A-laget i dag - to av dei frå start. (Foto: Nicholas Forstrønen Bruarøy/Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 23. okt. 2022 15:24

Os, som i førre runda sikra 3. plassen med siger heime over Fyllingsdalen, spelte i dag 26. og siste serierunde mot same lag som i serieopninga, Frøya.

Os slo Frøya 2-1 både i treningskamp i vinter og i serieopninga. I dag hamna dei under 3-0.

– Vi hadde ballen og presset, men Frøya la seg lågt, og var vanskeleg å skapa sjansar på, seier Vegard Strønen Skeie.

Simen Næss skåra for Frøya i 19. og 26. minutt, Leander Rebnord auka til 3-0 i 26. minutt.

– Vi var litt uheldige på ein trang bane i avgjerande situasjonar før nokre av baklengsmåla, så det blei litt tungt, seier Skeie.

Midtstopparen kom sjølv innpå som spiss i 65. minutt og heada inn ein corner i 72. minutt på 22-årsdagen sin.

Kristian Hjelvik Halvorsen reduserte til 3-2 på frispark i 76. minutt. I staden for å utlikna fekk dei eit mål imot på ei kontring av Næss i 87. minutt.

Bildeserie:

Kristian H. Halvorsen, her mot Lokomotiv Oslo, sette inn 3-2-målet på frispark. (Foto: Kjetil Vasby Bruarøy)
Skeie, her i førre serierunde, reduserte til 3-1 i dag. (Foto: Kjetil Vasby Bruarøy)
Kristian H. Halvorsen, her mot Lokomotiv Oslo, sette inn 3-2-målet på frispark. (Foto: Kjetil Vasby Bruarøy)
Skeie, her i førre serierunde, reduserte til 3-1 i dag. (Foto: Kjetil Vasby Bruarøy)
1 av 2
Skeie, her i førre serierunde, reduserte til 3-1 i dag. (Foto: Kjetil Vasby Bruarøy)
Kristian H. Halvorsen, her mot Lokomotiv Oslo, sette inn 3-2-målet på frispark. (Foto: Kjetil Vasby Bruarøy)

Frøya - Os 4-2 (3-0)
Målskårarar, Os:
Vegard Strønen Skeie og Kristian Hjelvik Halvorsen
Os: Kasper Sandven Færøvik - Martin Lund Hunnes, Torkel Hjertnes, Anders Hjelle Havsgård - Kristian Hjelvik Halvorsen, Sverre Spangelo Haga, Jonathan Mjånes Lund, Eirik Rysjedal - Daniel Grimset Kvalvågnes, Benjamin Johansen Engevik og Sebastian Plätzer.
Innbytarar (alle med speletid): Vegard Strønen Skeie, Henrik Tysse Sperrevik, Henrik Johan Ognedal Berge, Torgeir Lunde og Vebjørn Fykse Haga.

Bildeserie:

Sånn enda tabellen i Os si avdeling. (Fotball.no)
1 av 1
Sånn enda tabellen i Os si avdeling. (Fotball.no)

Tre ungdomar debuterte for A-laget i dag:

Martin Lund Hunnes (fødd i 2005), Benjamin Johansen Engevik (2006) og Henrik Johan Ognedal Berge (2006).

Martin har spelt 18 kampar for Os 2 og 10 for G19 i år.

Benjamin har 1mål på 17 kampar for Os 2 i år, og 4 mål på 9 kampar for Os G19.

Henrik har 1 mål på 5 kampar for Os 2, og har også spelt 3 kampar for G19 og 3 for Brann G16.

Thomas Spilde fekk ball på bakerste stolpe tre gongar på seks minutt. Denne var offside og ballen gjekk utanfor.(Foto: Kjetil Vasby Bruarøy)
Les ògSløste med sjansane - hamna på nedrykksplass

Neste helg rundar Os 2 av sesongen.

Dei kjempar framleis om å berga plassen i 4. divisisjon.


Spennande? Vil du ha ukas høgdepunkt i innboksen?

Tilbod i november

Tilgang til alt innhald i 3 månadar for kun kr 300,-

Di støtte gir liv til lokalavisa vår.

  • Kun kr 300,- i 3 månadar
  • Tilgang til alt innhald
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.