Måndag frå klokka 12.30 til 15.30 hadde utrykningspolitiet fartskontroll på E39 Halhjemsvekta.
Etter tre timar i 70-sona forbi vekta hadde dei skrive ut 19 forenkla forelegg.
– Høgaste målte fart var 94 km/t, opplyser politibetjent Sindre Hallem.
Det resulterer i 9.100 kroner i forelegg og tre prikkar på førarkortet.
I 70-sona ryker førarkortet i det du passerer 105 km/t.
I 13-tida var politiet på Halhjem ferjekai etter tips om mogleg køyring i påverka tilstand på ein bil som kom med ferje frå Sandvikvåg.
– I bilen sat eit ektepar frå USA. Verken alkotest eller narkotest gav utslag, dei var truleg berre slitne etter ein lang biltur.
Turistane blei dimitterte utan reaksjonar frå politiet.
