Politi | 22. okt. 2021

Utsette for tre ulike typar svindelforsøk

Prøver seg via sms, messenger, epost og telefon.

Ei kvinne frå Os avslørte nyleg eit svindelførsøk via messenger.
Kjetil Vasby Bruarøy
Kjetil Vasby Bruarøyfredag 22. okt. 2021 08:26

Midtsiden har den siste veka fått tips om tre ulike svindelforsøk mot innbyggarar i Os.

Det eine var ein «gamal klassikar», ei telefonoppringing frå ein som snakkar engelsk med indisk aksent, og seier han skal hjelpa deg med PC-en din, som visstnok har ein feil.

– Eg har jo lese om dette før, og skjønte at det var tull. Det enda med at eg terga han så mykje at han la på, seier Sjur Lepsøy og ler.

Ein annan innbyggar, ei kvinne frå Hagavik, blei spurd om telefonnummeret via messenger.

Ho gav frå seg dette, men trudde ikkje på resten av historia - at ho hadde vunne ein premie.

Bildeserie:

Sånn ser dialogen ut. Om du får tilsvarande melding, blir du neppe rikare av å svara.
Sånn ser dialogen ut. Om du får tilsvarande melding, blir du neppe rikare av å svara.
Sånn ser dialogen ut. Om du får tilsvarande melding, blir du neppe rikare av å svara.
Sånn ser dialogen ut. Om du får tilsvarande melding, blir du neppe rikare av å svara.
1 av 2
Sånn ser dialogen ut. Om du får tilsvarande melding, blir du neppe rikare av å svara.
Sånn ser dialogen ut. Om du får tilsvarande melding, blir du neppe rikare av å svara.

Torsdag fortalte politiet om fleire meldingar om svindelforsøk.

– Eg har ikkje tal på meldingar verken i Vest politidistrikt eller til Bjørnafjorden lensmannskontor, men seinast i dag er eit forhold meldt, seier politioverbetjent Christine Grindstein.

Vedkomande hadde fått tilsendt ein epost som ved første augekast såg ut til å vera frå Telenor.

– Kunden blir oppfordra å trykka på ein link, via denne gir dei frå seg personleg informasjon og passord, noko avsendar seinare kan bruka til å få tilgang på ulike kontoar.

To eksempel på svindel-epost. (Skjermskot, Tek/Telenor)

Telenor opplyser til Tek.no at det er svært stor pågang for tida, og at spamfilteret deira har stoppa 50.000 slike epostar dei siste 30 dagane.

– Avsendar speler på stress, at telefonen din blir sperra, eller at du har pengar uteståande, som du kan henta. Begge delar er svindelforsøk, seier tryggleiksrådgjevar i Telenor, Thorbjørn Busch.

Blant råda Tek gir, for å unngå å bli svindla, er å ikkje trykka på lenker du får tilsendt, sjå etter skrivefeil og rarer formuleringar, og å sjekka kva epost som er avsendar. Avsendarnamn kan enkelt endrast til kva som helst, men ved å halda musepeikaren over avsendar, dukkar det faktiske adressa opp.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.