Vêromslag og gode meldingar for pinsehelga

Etter ei 17. maifeiring i sol og over 20 gradar, har vi hatt mykje nedbør og lite varme i Os.

I dag har det snudd.

Med unntak av nokre dropar måndag kveld og natt til tysdag er det meldt samanhengande opphaldsvêr frå i dag til ut i neste veke.

Måndag og tysdag skal bli lettskya, onsdag til fredag ettermiddag skal bli skya og pisehelga ligg an til å bli solrik.

Temperaturen skal opp i 18 gradar i dag, 17 gradar tysdag og 13-14 gradar resten av veka.

Denne veka skal også badebrygga til kommunen slepast ut og forankrast i Mobergsvikjo for sesongen:

Les ògHar gjort justering på stupebrettet

I Oslo er det meldt 23 gradar til helga - kanskje «smittar» dei varme meldingane over til Vestlandet når det nærmar seg pinse?

• Sjå detaljert vêrmelding for Osøyro på VG Pent (med Storm og Yr side om side).

I godvêrsperioden i april trefte Yr best på temperaturen, Storm på nedbøren,så vidt vi hugsar.