Vil få ferdigstilt turveg til Knutabruo

Bildeserie:

1 av 3

Tenesteutvalet fekk onsdag høyra administrasjonen sine framlegg til rullering av handlingsprogrammet til kommunedelplan for fysisk aktivitet, idrett og friluftsliv.

Koordinator for idrett og friluftsliv, Tom Leonsen starta med å informera tenesteutvalet om kva prosjekt som har fått tilseg om spelemidlar, og som då vert teke ut av lista før ny rullering. På denne lista står mellom anna prosjekt som utviding av kunstgrasbane på Lysekloster Idrettspark, oppgradering av garderobeanlegg og ny heis på Lysekloster barneskule, rehabilitering av tak på Raudlistova og skatepark ved Hegglandsdalen. barneskule. Dei 12 prosjekta, 5 av dei rekna som hovudanlegg, og 7 som nærmiljøanlegg er er anten reine Os kommune-prosjekt, eller prosjekt på vegne av lag og organisasjonar i Os.

Postvegen ut - Knutabruo inn

Prosjektet oppgradering av turveg langs Postevegen frå Søfteland mot Hetleflåten vert teke ut av prioritert liste. Årsaka er at Postvegen er verneverdig og eventuelle tiltak på denne traseen må godkjennast av fleire instansar.

Administrasjonen legg opp til å få ferdigstilt turvegen mellom Banktjørna og Knutabruo i første halvdel av 2019.

I mars 2017 skreiv Midtsiden om tryggingstiltak som skulle gjera det tryggare for hestar og folk i området ved Knutabruo. Nestleiar i Os Travklubb, Lisbeth Moberg, omtalte då tiltaka som gode mens ein venta på nye stiar.

Val av trasé er gjennomført og vidare dialog med representantar frå opplysningsvesenets fond kring bruksavtale og gjennomføring av prosjektet, vert utført om kort tid.

Nye lister - nye prosjekt inn

I framlegget til den nye handlingsplanen finn ein på 6 første plassane prosjekt som er vidareført frå prioritert liste for 2018.

Tom Leonsen fortel til Midtsiden at av dei 19 anlegga som ligg på prioritert liste - hovudanlegg, vert det sendt søknad om spelemidlar for 13 til 15 av desse.

– Når det gjeld nærmiljøanlegg håper vi å få klar søknadar på alle 15 som er på prioritert liste, fortel Leonsen.

Leonsen fortel vidare at før ny rullering i 2020, vil anlegg som ikkje har klar søknad verta tatt ut av prioritert liste.

– I 2020 er vi ein del av Bjørnafjorden kommune, så det er mogleg at handlingsplanen allereie då kan verta for Bjørnafjorden kommune.

– Dette kjem an på kva fylket meiner er mogleg å få til, avsluttar Leonsen.

Priortert handlingsprogram frå administrasjonen for houvudanlegga ser då slik ut:

1) Kunstgrasbane fotball 40x60 m, medrekna lysanlegg. Søre Neset idrettslag.

2) Hangar. Os Aeroklubb

3) Motorcrossløype. Os MX og MC- klubb

5) Kunstgrasbane 2 (11-arbane) Nore Neset idrettslag.

6) Oppgradering/rehabilitering Oshallen (lys, tak, ventilasjon). Os kommune.

7) Utviding av klubbhus. Lysekloster idrettslag.

8) Reiskapshus v/7-arbane. Søre Neset idrettslag.

9) Dobbel fleirbrukshall, Os Idrettspark. Os kommune.

10) Rehabilitering 11-arbane Halhjem. Søre Neset idrettslag.

11) Rehabilitering/oppgradering rullebane for seilfly - modellfly. Os Aeroklubb.

12) Haglebane v/Ulvehiet. Os jakt & fiskelag.

13) Utviding 100 m bane. Os skyttarlag.

14) Utviding/modernisering 15 m bane, innandørs. Os skyttarlag.

15) Ny 50 m bane – 16 skiver. Os skyttarlag.

16) Idrettshall (volley) Os Aktiv. Os kommune.

17) 7-ar kunstgrasbane Borgafjellet barneskule. Os kommune.

18) Klatrevegg Os Idrettspark. Os kommune.

19) Turn hall/grop Os Idrettspark. Os kommune.

For nærmiljøanlegga ser den prioriterte lista slik ut:

1) Aktivitetspark, balanseapparat – Lysekloster barneskule. Os kommune.

2) Klatrestein – Lysekloster barneskule. Os kommune.

3) Sandvolleballbane Søre Neset idrettsplass. Søre Neset idrettslag.

4) Klatre-/balanseløype, Nedre Lekven. Lekvenmarka velforening.

5) Klatreapparat Øvre Berge. Øvre Berge velforening.

6) Aktivitetspark, balanseapparat- Lunde barneskule. Os kommune.

7) Aktivitetspark, akebakke m/klatreline - Lunde barneskule. Os kommune.

8) Klatreanlegg Øvre Lekven. Øvre Lekvenmarka vel.

9) Aktivitetspark Lyngheim Ulike apparat for trening. Os kommune.

10) Turveg Banktjørnhaugen – Knutabruo. Os kommune.

11) Ballplass Kuventræ barneskule. Os kommune.

12) Hinderløype Kuventræ barneskule. Os kommune.

13) Klatreanlegg Kuventræ barneskule. Os kommune.

14) Basketbane/bordtennis Kuventræ barneskule. Os kommune.

15) Ballplass Banktjørnhaugen. Banktjørnhaugen vel.

På dei neste 5 plassane finn vi nye, men enno ikkje prioriterte prosjekt:

16) Stupeanlegg Mobergsvikjo. Os kommune.

17) Prosjekt 2 (m.a. fleire stiar) – Ervikane. BOF.

18) Turveg Kuventræ gravplass – Sigurdsvika. Os kommune.

19) Orienteringskart Lepsøy. Os Orienterings klubb.

20) Revidering av orienteringskart Osøyro. Os Orienterings klubb.

Tenesteutvalet tok rulleringsplanen til orientering. No skal den vidare til formannskap og til slutt godkjenning i kommunestyret.

Les òg: Folkerik bruopning