Bergens Beste?

Bergens Tidende skal kåra Bergens Beste innan ein rekkje kategoriar, mellom anna badeplass, band, festival, restaurant og butikk.

I to av klassane er det ikkje ikkje berre bergensarar som har fått plass. I kåringane som Bergens beste band og festival finn vi Orbo & The Longshots og Søfteland Rock 'n' LoL.

No kan osingane hjelpa dei til siger med å stemma på dei.

Beste Band

Orbo & The Longshots er nominert i klassa Beste Band saman med Razika, Real Ones, Fjorden Baby! og John Olav Nilsen og gjengen.

Stem på Orbo & The Longshots her.

BT-Juryen si grunngjeving for å nominera Orbo er;

- Denne gjengen veit verkelig kva det handlar om. Eit enormt trøkk, gode låtar, samspelt band, og sjeldent bra fleirstemt vokal i verdsklasse gjev legendariske konsertopplevingar!
- Dei spelar mykje ute på små og mellomstore konsertstadar og har gjort det i minst ti år. Kjempegøy å sjå dei live, ekte speleglede! Verker som det er mange forskjellige menneskjer i mange aldrar som kjem på konsertane, dei treff breidt.

Beste festival

Tre av dei nominerte i beste band blir å finna på ein av dei nominerte i kategorien Beste Festival - Søfteland Rock 'n' LoL.

Den unge festivalen som fyllar 5 år i år har på den korte tida klart å få ein posisjon i festivaljungelen på vestlandet.

Stem på Søfteland Rock 'n' LoL her.

BT.no sine lesarar meiner dette om LoL'n:

- Ein gjeng ungdommar frå Søfteland har brukt mykje tid og krefter på å laga ein festival for likesinna ungdommar.
- Tidanes meist sjarmerande festivalleiing. Og historia bak: Med to brør som starta festival i hagen til foreldra for etter kvart å få flytta inn på eit jorde hos ein nabobonde, og bli ein snakkis og "must do"-festival for dei heitaste namna blant norske musikarar.

Stemmegjevinga går fram til 7. august og vinnarane blir publisert i ei spesialutgave av BT Magasinet 27. august.