Knuste rute då den sneik seg forbi semitrailer

Torsdag i 11.30-tida blei ein semitrailer ståande i rundkøyringa mellom E39 Byvegen og Industrivegen.

Politiet rykte ut og dirigerte på staden.

Les ògSemitrailer står fast ved UnoX

Litt over klokka 12 kom tungbilbergar og frakta traileren opp på ei lomme i Ulvenvegen, der den ikkje lenger var til hinder for trafikken.

– Årsaka skal ha vore problem med giret, ifølgje sjåføren, seier politioverbetjent Anne Lyssand.

Patruljen fekk høyra om ulike «stunt» av medtrafikantar.

– Nokre skal ha køyrd motsett veg gjennom rundkøyringa, for å koma seg fram, ein annan knuste si eiga siderute då den sneik seg forbi semitraileren.

Glasskor blei liggande igjen i vegen. Bilen køyrde vidare.

– Den sistnemnde fann patruljen igen seinare, parkert på ein verkstad i Os. Det blir ingen politisak, men du pliktar å stoppa etter ein samanstøyt.

– Generelt bør enkelte ta det litt meir med ro om noko oppstår. Sjølv om du gjerne har det travelt, skal du altid ta omsyn og vera varsam.