Politi | 22. sep. 2022

Dekk på vogntog eksploderte

Vegvesenet fann lite å reagera på. Så ringte politiet og ba om assistanse.

Dekk på vogntog eksploderte
Ein «liten lekkasje». (Foto: Statens vegvesen)
Kjetil Vasby Bruarøy
Kjetil Vasby Bruarøytorsdag 22. sep. 2022 08:09

Statens vegvesen hadde kontroll på Halhjem og i Hjellemarka på dagtid i går.

Av 24 køyretøy over kontrollplass, blei det berre to tekniske manglar å finna, éin på fartsskrivar, éin på skvettlapp.

Tre førarar blei sjekka for køyre- og kviletid. Der var alt i orden, men eitt firma er kalla inn for foretakskontroll.

På kvelden var det ny kontroll, og då på både Halhjem og i Hjellemarka.

Rundt 15 køyretøy blei sjekka, tre av dei fekk mangellapp grunna feil på lys.

– I tillegg bisto vi politiet, som hadde fått tips om feil med dekk på vogntog, opplyser Knut N. Sylta.

Det viste seg at det var ein semitrailer, og at det eine dekket hadde eksplodert.

– Sjåføren hadde merka det sjølv, og stoppa på første moglege plass. Traileren fekk bruksforbod fram til dekket var skifta.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.