Direkte frå kl 15: Morten Haga Lunde held tale i minneparken

– Det er ei stor ære at tidlegare sjef for etterretningstenesta, generalløytnant Morten Haga Lunde, tek seg tid til å reisa over fjellet for å halda årets tale i Os Minnepark, seier Stine Kobbeltvedt frå kultureininga i Bjørnafjorden kommune.

Ho gler seg også over at kommunen endeleg, etter pandemiprega markering i 2021 og 2020, kan invitera publikum til seremonien.

Del av programmet er også Hermine Lyssand Nordtveit, Nora-Sofie Skåtøy Kvernes, Emily Haatuft Berg og Amalie Nordhagen Jørgensen frå Bjørnafjorden kulturskule som syng «Til ungdommen».

Programmet startar klokka 15 og varer i om lag ein time. Vegen gjennom Giskavollen blir stengd for trafikk under arrangementet.

Har du ikkje sjanse å møta, kan du sjå seremonien direkte eller i opptak på kommune-TV.

Program i Minneparken- start 15.00

• Opning ved ordførar Trine Lindborg.
• Vi syng "Gud signe vårt dyre fedreland".
• Ruth Elin Midtbø, Finn Helge Bjørnør, Jørgen Løland og Paul J. Valle frå Os musikkforening spelar.
• Hermine Lyssand Nordtveit, Nora-Sofie Skåtøy Kvernes, Emily Haatuft Berg og Amalie Nordhagen Jørgensen frå Bjørnafjorden kulturskule syng «Til ungdommen», akkompagnert av Knut Vidar Garlid.
• Tale ved generalløytnant Morten Haga Lunde.
• Nedlegging av kransar på kyrkjegarden ved speidarar frå 1. Os KFUK-KFUM.
• Nedlegging av blomebukett og kransar på Bauta og Minnesmerket.
• Signalet "Bøn".
• Vi syng "Ja, vi elsker". Ruth Elin Midtbø, Finn Helge Bjørnør, Jørgen Løland og Paul J. Valle frå Os musikkforening spelar.