Elsykkel stolen ved Amfisenteret

Måndag klokka 15.10 fekk politiet melding om tjuveri av ein elsykkel.

Eigar, ein ung gut, hadde vore på senteret nokre timar då han oppdaga at sykkelen var vekke.

– Vaktmeisteren tok personalia på eigar og nokre ungdomar som var på senteret på den tida, fortel politioverbetjent Anne Lyssand.

Han har også sett gjennom videomateriale. Sykkelen er ikkje funnen og det er foreløpig ingen mistenkte.

Oppdatert: Sykkelen er av merket «E-Wheels E25 V2», svart med noko raudt nedst på gaffel.

– Vi ønskjer tips om nokon finn den eller veit kvar den er, seier Lyssand.