Fekk seks prikkar på Lepsøyvegen

Politiet hadde tysdag kveld snittmåling på Lepsøyvegen.

Litt før klokka 23 blei ein bil målt til 70 km/t i 50-sona.

– Bilførar, ein mann i 20-åra, fekk 5.850 kroner i forelegg og, sidan han er i prøvetida, seks prikkar på førarkortet, fortel politioverbetjent Anne Lyssand.

Bruksforbod på Byvegen

I 16-tida fekk politiet melding frå ein bilist som låg bak ein bil med hengar. Lasta på hengaren såg ikkje god ut.

– Bilen blei stoppa ved Uno X, og det blei stadfesta at lasta var dårleg sikra. Det blei bruksforbod på hengar, førar måtte lasta om før han kunne køyra vidare.

I 17-tida kom det klage på støy frå motorsyklar i Os sentrum. Fire MC-ar blei kontrollerte, to av dei fekk kontrollseddel og må visa sykkelen til Statens vegvesen før eventuell godkjenning og vidare køyring.