Brann og beredskap | 23. sep. 2021

Flygande paviljong i Hegglandsdalen

Etter luftig aksjon i Hegglandsdalen kjem brannsjef Eivind Hovden med klar oppmoding.

Flygande paviljong i Hegglandsdalen
Ørjan Håland
Ørjan Hålandtorsdag 23. sep. 2021 12:12

Avisene i Bergen åtvara onsdag kveld om komande kraftig vind på Vestlandet torsdag.

Vêrmeldingane for Osøyro, både Yr og Storm, sa derimot 7-8 m/s, altså laber bris, men med opptil 11 m/s i kasta, altså liten kuling.

Omtrent sånn blei det òg. I 10.20-tida kom kraftig regn og nokre vindkast, i 10.30-tida kom melding om flygande paviljong i Hegglandsdalen.

– Den hadde lausna frå ein tomannsbustad og flaksa over til naboen, fortel brannsjef Eivind Hovden.

– Der blei det nokre materielle skadar, men heldigvis ingen personskade.

  • Har vinden gjort skade hos deg? tips@midtsiden.no

110-sentralen har elles varsla via Twitter om utrykking til ein jolle som låg på rek, opp-ned, utanfor Knarvik.

Vegtrafikksentralen har varsla om stengt veg ved Trollhaugen retnings Flesland grunna velta tre og om store gjenstandar i vegbanen på Sotraveien.

Også i Os har det vore noko rusk i vegen enkelte stadar.

Fleire plassar i Os vart det kvistar og trær som hamna i vegbana. (Foto: ØH)
Fleire plassar i Os vart det kvistar og trær som hamna i vegbana. (Foto: ØH)

Viktig å sikra

Etter ein lang periode med opphaldsvêr og svak vind, frå i sommar og utover starten på hausten, reknar brannsjefen med at mange enno ikkje har førebudd hagen på hausten.

– Trampolinar, paviljongar og lette hagemøblar bør nok anten flyttast inn eller sikrast på andre måtar no. Åtvaring om kraftig vind kan koma kvelden før, då slepp du å rydda på kort varsel.

– Vår bodskap er klar og tydeleg, det er viktig at folk sikrar gjenstandane sine. Då er det lågare risiko for skade på folk og eigedom, og vi slepp å bruka tid på unødige aksjonar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.