Førarkortbeslag etter kollisjon på Osveien

Søndag i 11.50-tida kom det melding om trafikkuhell på Osveien ved avkøyrsle til Haugsdalen.

– Ein bil som køyrde retning Os køyrde inn i ein bil som sto i ro for å svinga av til Haugsdalen, fortel politioverbetjent Anne Lyssand.

Det var tre personar involvert, ein av dei blei tatt til lege for sjekk.

Vegen var stengt ein periode, og begge bilane måtte hentast av bergingsbil.

– Bilførar som kom bakfrå, ein mann i 70-åra, skal ha forklart at han blei blenda av sol. Det blei likevel tatt førarkortbeslag, noko han ikkje samtykka til.

Ingen av dei involverte er frå Os.