Helse | 03. sep. 2022

Frå vellykka cup til ønske om reise til «NM»

– Kvar minste ting kostar pengar. Små og store oppdrag har høg verdi for spelarane våre, seier Tor Arne Hitland, på jobb for AMFI Os.

Frå vellykka cup til ønske om reise til «NM»
Møtet med andre klubbar under cupen førre helg har gitt Hitland nye kontaktar og nye ambisjonar for trenings- og arbeidslaget. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 03. sep. 2022 10:44

Førre laurdag var Os Gatelag vertsskap for Gatelag Cup på Kuventræ igjen.

12 lag frå 6 klubbar var påmeldt.

– Den eine klubben måtte dessverre melda forfall, dermed måtte vi stokka om på kampoppsettet litt, noko som var med på å gjera det ekstra travelt for oss, som både var arrangør og deltakar, fortel Tor Arne Hitland og ler.

Os hadde også to lag, men noko forfall før og undervegs, grunna skade. Derfor måtte nesten same mannskap spela på begge påmeldte lag, og osingane fekk verkeleg køyrd seg.

Bildeserie:

12 lag frå 6 klubbar med gatelag var påmeldt. (Foto: Privat)
12 lag frå 6 klubbar med gatelag var påmeldt. (Foto: Privat)
– Veldig kjekt at ordførar kom oppom, synest Hitland. Her er Trine saman med Robin. (Foto: Privat)
– Veldig kjekt at ordførar kom oppom, synest Hitland. Her er Trine saman med Robin. (Foto: Privat)
Os var god vertsskap, men klarte seg også betre sportsleg enn sist. (Foto: Privat)
Os var god vertsskap, men klarte seg også betre sportsleg enn sist. (Foto: Privat)
1 av 3
12 lag frå 6 klubbar med gatelag var påmeldt. (Foto: Privat)
– Veldig kjekt at ordførar kom oppom, synest Hitland. Her er Trine saman med Robin. (Foto: Privat)
Os var god vertsskap, men klarte seg også betre sportsleg enn sist. (Foto: Privat)

– Eg er imponert over både innsatsviljen og prestasjonen. Alle var innstilte på å yta, sjølv om krampen tok fleire av oss, vi måtte bita tennene saman sånn at alle gjestane våre fekk kampane dei kom her for.

Psykatrialliansen slo Stord i B-finalen, SK Brann slo Frelsesarmeen i A-finalen.

Os, som berre skåra eitt mål sist dei laga cup for gatelaga i (og uanfor) regionen, fekk også ei god oppleving i det sportslege.

– Det gjekk langt betre denne gong, vi skåra sikkert i snitt 3-4 mål per kamp, seier Hitland.

– Det var ikkje godt nok til å ta seg til nokon finale, men ei god kjensle for oss alle at vi spelte godt, har opplevd framgang og fekk fine tilbakemeldingar på rolla som vertsskap.

Over 100 spelarar deltok, over 80 møtte til middag i klubbhuset på ettermiddagen.

– Os Fotball gir oss ein god paraply, lokale sponsorar redda dagen. AMFI Os spanderte varer frå Asia Mat, Havnechefen støtta oss og fleire daglegvarebutikkar er rause kvar gong vi spør.

Fleire ambisjonar innan idrett og inntekt

Tilsette ved Vartun og Grantun er blant dei som organiserer aktivitet- og idrettstibod i kommunen sitt «Prosjekt Livskvalitet».

Det starta med arbeid og har bygd på seg med fotball, yoga, golf, klatring og handball - handball som foreløpig einaste i Noreg.

– Under fotballcupen fekk vi fortalt om dei andre aktivitetane. Fleire av dei som frå før driv med fotball, såg ut til å vurdera å også sveiva i gang handballag. Der veit eg at også Christian Bugge i Os Handball jobbar godt med å spreia ideen, så kanskje får vi oss nokon å spela mot der òg om ikkje så lenge.

Samtidig lærde Os sitt gatelag i fotball litt av samværet med motstandarklubbar førre helg.

– Fleire av dei har deltatt i Nasjonal turnering, som Stabæk har arrangert dei siste åra. Der var det 27 lag med no i august. Å få reisa til Oslo til våren og delta i neste nasjonale turnering, hadde vore fantastisk! seier Hitland.

Men mens Stabæk får heile 11 millionar kroner i støtte, 7,5 av dei frå kommunen, må Os klara seg med heilt andre midlar.

Sjukepleiarstudent Charlotte Pettersen er i praksis hos Vartun, og hjelper Hitland og arbeidslaget når dei er ute i felten. (Foto: Kjetil Vasby Bruarøy)
Sjukepleiarstudent Charlotte Pettersen er i praksis hos Vartun, og hjelper Hitland og arbeidslaget når dei er ute i felten. (Foto: Kjetil Vasby Bruarøy)

– Heldigvis har vi god støtte i Os Turn, både fotball og handball. Det er også nokre av sponsorane deira som øyremerker midlar til gatelaget, og vi har framleis liv i arbeidslaget vårt, som jobbar kvar fredag. Dette gir oss litt inntekt.

– Vi ser kva dette har å bety for både deltakarane og lokalsamfunnet, med ein meiningsfull kvardag med trening og jobb. Tenk for oss å få reisa på noko som omtrent liknar på Norway Cup.

Denne veka var dei og rydda boss og bed for Amfisenteret, som er ny kunde.

– Vi plukka ni bossekkar berre i denne kroken opp mot vegen tysdag, mykje av det såg ut til å ha lagt lenge. I dag steller vi beda og køyrer vekk bosset.

– Det var også litt morosamt å sjå at, berre timar etter at vi kom i gang med ryddinga, kom det plutseleg ein kostebil frå truleg dei som har kontrakten på å rydda fylkesvegen.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.