Samferdsle | 05. apr. 2022

– Har du sommardekk bør du la bilen stå

Snødekt bygd tysdag morgon. Eitt uhell til no.

Ulvenvegen i dag. Både buss og tohjuling kom seg fram på den ferske snøen. (Foto: Nicholas Forstrønen Bruarøy)
Kjetil Vasby Bruarøy
Kjetil Vasby Bruarøytirsdag 05. apr. 2022 05:27

Yr og Storm hadde kvar sine prognosar for natt til tysdag, men snøen som Storm meldte byrja å dala måndag kveld.

Tysdag morgon ligg det snø på hustak, tre og bilar i Os.

– Vi minner om at du som bilist skal vera skodd etter forholda, skriv Vest politidistrikt på Twitter.

– Om du fekk vår-kjensle i helga, og skifta til sommardekk, bør du nok reisa kollektivt eller haika med ein nabo som framleis har vinterdekk. Hugs også å kosta godt av bilen før de køyrer!

Det er så langt meldt om berre eitt uhell i bergensområdet på det ferske vinterføret:

  • Klokka 07.20 glei ein lastebil delvis ut i grøfta på Hamrevegen i Fana. – Ein personbil og ein lastebil står fast. Det er passasje for personbilar, men ikkje for større køyretøy, opplyser politiet.
  • Klokka 07.40 er det ifølgje Google Maps kø frå Memos Pizza på Søfteland retning Bergen. Køen er ikkje samanhengande til Skjoldskiftet, men trafikken går seint fleire stadar på E39 Byvegen og Osveien.
  • Har du informasjon eller bilde frå andre uhell? tips@midtsiden.no eller 90789270
Kyrkjeflaten i Os sentrum tysdag morgon. (Foto: Kjetil Vasby Bruarøy)

Klokka 07.15 kom ei ny snøbyge i Os, men det er venta å letta frå klokka 08.

Resten av dagen skal det bli opphaldsvêr, sol og 6 gradar. Vindstyrken skal opp i nærmare 6 m/s.

Det er meldt rundt null gradar natt til onsdag og torsdag, men opphaldsvêr ut veka.

Natt til laurdag og søndag kan det koma meir nedbør i form av sludd eller snø.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.