Instebø går frå Lysekloster til Charleston

– Eg vil prøva noko anna enn å bli verande her i bergensfotballen.

Kjetil Vasby Bruarøy
Kjetil Vasby Bruarøymandag 09. mai 2022 14:42

Eskild Opheim Instebø har vakse opp i Brann og på kretslaget, og var innom Fana sitt G16-lag i 2019. Før 2021-sesongen signerte han for Lysekloster.

Til sommaren melder han overgang til College of Charleston.

Skulen startar 9. august, eg reiser bort ei veke før for å venna meg til klimaet, sa Eskil til Midtsiden mens han laurdag var i oppvamring under Lysekloster-Stord.

Det har ikkje blitt så mykje speletid i Norsk Tipping-ligaen for unge Instebø. I haust fekk han tre kampar, éin av dei frå start. Då fekk han raudt kort i 86. minutt i 4-0-siger heime over Bjarg. I vinter spelte han frå start og nesten heile kampen då Lysekloster vann 0-3 borte i NM-kvalifisering mot Tertnes.

Bildeserie:

Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
1 av 3
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)
Instebø (nr 19) spelte frå start då Lysekloster slo Bjarg 4-0 hausten 2021. (Foto: Kjetil Vasby Bruarøy)

Men det er ikkje manglande speletid som gjer at han har sett etter ein sjanse i utlandet.

– Eg er tolmodig, men det å spela collegefotball er noko eg har hatt lyst til lenge. Då kan eg få utvikla meg vidare som fotballspelar samtidig som eg tar ei utdanning. I tillegg trur eg det kan bli eit eventyr!

I januar bestemte han seg.

– Eg visste at det var vanskeleg, men det finst firma som tilbyr hjelp til å sjekka det amerikanske terrenget. Dei undersøker kva universiteta har å tilby, og kva behov dei har.

Video og referansar

Då kontakten var etablert, måtte Eskil senda over video av både høgdepunkt og heile kampar, og gå gjennom fleire videointervju.

– Stein Arve Lohne var ein viktig referanse for meg. Han er læraren min ved Tertnes toppidrettsgymnas, og har følgd meg i store delar av ungdomsåra.

Også Lysekloster-trenar Ruben Hetlevik har mykje fint å seia om Eskil, som er russ i år, men knapt tar del i feiringa.

– Han er ein fantastisk spelar og type, og ein som nok fortener meir speletid enn han har fått. Eg forstår valet hans, og trur opphaldet i USA kan bli bra for både karriera hans og for Eskil som person.

Kan få ein hard start

Sjølv om Eskil har fått sin plass på laget til Charleston, og ikkje skal på noko vidare opptaksprøve ved ankomst, er han innstilt på å trena endå hardare fram mot avreise.

– Charleston speler i D1 (divisjon 1), og har ambisjonar om å hevda seg i toppen. Vi har berre to veker oppkøyring og trening før serien startar, så eg bør stilla i fysisk god form.

– Fasilitetane er jo som i Premier League, eg gler meg veldig til opphaldet!

Charleston ligg ved kysten i Sør-Carolina, og er ein by med rundt 140.000 innbyggarar.

College of Charleston presenterer seg på denne måten på YouTube:

Kva fag han skal ta, er Eskil enno ikkje heilt sikker på.

– College fungerer jo litt annleis enn høgskulane her heime. Du står friare til å ta ulike fag, og å skifta undervegs.

Kva som blir siste kamp for Lysekloster veit han heller ikkje. Lysekloster sin siste kamp før hanreiser er borte mot Åkra 16. juli.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.