Korona | 30. des. 2021

Koronastøtte: Med søknadsfrist 16. januar

Har 1,4 millionar kroner å dela ut i Bjørnafjorden kommune.

Kontorsjef i Bjørnafjorden kommune, Andris Hamre. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 30. des. 2021 08:13

Den sjette kommunale kompensasjonsordninga er no open for å søkja på. Den nye tildelingsrunden blei vedtatt i Stortinget 21. desember.

– Vesle julaftan fekk vi beskjed om at vi får tildelt 1.372.000 kroner som vi kan dela ut til lokalt næringsliv som er råka av smitteverntiltaka i samband med Covid-19, fortel Andris Hamre, kontorsjef i Bjørnafjorden kommune.

Sidan næringssjef Jon Sivert Rykkel har slutta, står Hamre for organiseringa.

Ordninga blei i går lagt ut på regionalforvaltning.no, der bedrifter kan levera søknad.

Søknadsfrist er 16. januar.

Kommunen har mål om å betala ut pengane veka etter.

– Målet med ordninga er å hjelpa dei bedriftene som igjen har blitt ramma av nye smitteverntiltak.

Serverings-, utelivs-, underholdnings- og overnattingsbransjen vil bli prioritert, men også andre kan søka.

Støtta vil bli gitt med eit grunnbeløp pluss eit beløp rekna ut frå mengde årsverk.

Dette skal det opplysast om i søknaden. Der skal søkjar også opplysa om kor mykje vedkomande har mottatt i støtte tidlegare i 2021.

Kor stort grunnbeløpet blir er avhengig av mengde søknadar.

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.