Køyrde seg fast med 54 passasjerar

Bildeserie:

1 av 2

Laurdag klokka 17.06 fekk Midtsiden melding om at Rygerfonn, som går i rute mellom Bergen og Rosendal, såg ut til å ha problem utanfor ein av stoppestadane, Os hamn.

– Båten ligg heilt i ro, og ein av arbeidsbåtane som held på i hamna er på veg ut, seier første av fleire tipsarar.

Onsdag blei ein sjøbabel seinka i Os hamn, fredag starta arbeidet med å legga ut forankring til dei tre siste av fire bølgedemparar i hamna.

– Vi var varsla om arbeide, og køyrde med lyskastarar ut av hamna. Men dette tauet var dårleg merkt, seier Rygerfonn-kaptein Jan Erik Jansson til Midtsiden.

– Eg hadde akkurat byrja å gi gass då vi fekk tauet i propellen.

54 passasjerar om bord

Då Midtsiden snakka med kapteinen var dykkarar frå Samba Marin nede for å få tauet laust.

– Vanlegvis kan vi køyra vidare når sånne ting skjer, men det er ikkje akkurat ein hyssing, så vi får sjå korleis det går når tauet er laust.

Om bord sat 54 passasjerar på veg til Malkenes og Rosendal.

I skrivande stund ser vi at Rygerfonn er i Hardanger. Dermed ser det ut som om båten har gått fint etter det korte havariet i Os.

I august kolliderte Rygerfonn med ein småbåt. Heller ikkje då såg det ut til å vera Rygerfonn-mannskapen sin feil.