Måndag klokka 14.14 blei ein ung bilist stoppa i Industrivegen.
Dette var før snøen kom, patruljen reagerte på farten på bilen.
– Politiet hadde ikkje fartsmåling. Bilførar, ein gut i tenåra, fekk ei åtvaring, fortel politioverbetjent Anne Lyssand.
Sladda på Skeie
I 16-tida byrja det å snø, og i 22-tida var patruljen på Nore Neset.
I rundkøyringa i Skeismyra kom ein bil sladdande.
– Bilførar, ein mann i starten på 20-åra, erkjente forholdet, la seg langflat og beklagde. Han slapp unna med ei streng åtvaring, fortel Lyssand.
Politiet har elles ikkje fått inn melding om nokre uhell på glatten, utanom utforkøyringa i Prestegardsskogen tysdag morgon.