Lager oktoberfest i Vognhallen
Monterer veggar og varme, inviterer brassband med erfaring frå kontinentet.
Havnechefen og Elvehuset, som saman med Catten hadde suksess med oktoberfest i telt på Osøyro i 2019, er klare igjen.
I 2019 hadde dei plass til 250 gjestar per kveld. Laurdagen var det over 70 på venteliste.
Denne gong blir festen over to dagar i Vognhallen.
– Vi monterer lette veggar og varme, og vi ventar ikkje heilt til oktober med festen, seier Peter Moesgård frå Havnechefen.
Årets oktoberfest blir fredag og laurdag 16. og 17. september.
– Austevoll Brass er booka til å spela begge kveldar.
– Dei har god erfaring med musikk som passar, og har spelt fleire stadar i Tyskland og Austerrike under oktoberfestar på kontinentet.
I tillegg blir det trubadur og standup.
Namn på standupartist er enno ikkje annonsert, men Frode Holmefjord og Eirik Rolland tar kvar sin kveld som trubadur.
– Det blir ein pakkepris på standup, konsert og mat. Havnechefen og Elvehuset tar oppgåva som arrangør saman.
Spennande? Vil du ha ukas høgdepunkt i innboksen?
Les meir om
Tilgang til alt innhald for kun 5 kr i 5 veker
Vi set stor pris på at du vel å abonnera på Midtsiden, det hjelper oss på veg til å kunna dekka endå meir av alt som skjer i Os!
- Tilgang til alt innhald
- Utan bindingstid
- Moglegheit for fleire brukarar
Etter kampanjen blir abonnementet fornya kvar månad. Du kan seia opp kor tid du vil, og blir då ikkje belasta for neste periode.