Melder åtte tørre dagar

Finvêret frå helga held fram så langt langtidsvarselet strekk seg, men i noko skiftande skydekke og temperatur.

Sett vekk frå at Storm melder ei regnbyge onsdag formiddag, er det meldt samanhengande opphaldsvêr.

Det er meldt varmast i starten på perioden, frå i dag til og med onsdag er det venta 19 gradar ifølgje Yr, men 15-16 ifølgje Storm.

Temperaturen skal ned, men ikkje så mykje, frå torsdag og gjennom helga er det venta 15-16 gradar.

Det er også meldt lettskya, spesielt om ettermiddagane, og dei fleste ettermiddagane og kveldane denne veka ligg an til å bli skyfrie.

Vindstyrken skal også halda seg svak, under 2 m/s kvar dag i perioden, med unntak av ein og annan ettermiddag, der den så vidt skal opp i 3 m/s.

• Sjå detaljert vêrmelding for Osøyro på VG Pent