Nilsavegen får fortau

I fjor vedtok trafikktryggingsutvalet i Vestland å dela ut 10,6 millionar kroner til fysiske trafikktryggingstiltak og 1,4 millionar kroner til ulike trafikktryggingsaktivitetar i fylket.

Vestland ga 500.000 kroner til fortau langs den kommunale vegen Nilsavegen. Store delar av Nilsavegen har fortau, men ikkje heile.

Les ògTrafikksikring: Tre tiltak får midlar frå fylket

Det aktuelle området er frå kulverten på Lekven opp mot Lepsøykrysset.

Bjørnafjorden kommune har dei siste vekene gjort førebuande arbeid.

Torsdag 17. februar starta dei med fortau, murar og oppgradering. Frå måndag 21. februar har denne delen av vegen vore stengt på dagtid.

Nilsavegen vil vera delvis stengt på dagtid måndag til fredag frå klokka 9 til 15.

Omkøyring er via Lunde-Lekven-krysset frå Halhjemsvegen, men Nilsavegen blir open for dei som har bustadar i det stengte området.

Arbeidet blir ferdigstilt i løpet av mai 2022, opplyser kommunen.