Nok ein promillekontroll på Halhjem

I morgontimane tysdag hadde utrykningspolitiet promille- og dokumentkontroll på Halhjem ferjekai.

– 28 bilførarar blei kontrollerte utan at det førte til reaksjonar, opplyser politioverbetjent Atle Birkeland.

Politiet har hatt ei rekke kontrollar på ferjekaiane i haust. I førre veke sjekka dei 50 trafikantar utan å reagera på noko, i oktober sjekka dei 70 den eine gangen og 44 den andre, også det utan fangst.

I september sjekka dei, etter tips, ei kvinne som kom køyrande inn på Hatvik-ferja med flatt dekk, og der blei det mistanke om promillekøyring.